Skip to content

Die Reine Wynheid

  1. Home
  2. Podcasts
  3. Die Reine Wynheid

Potgooi

Die Reine Wynheid

Martelize Brink verken die ryk grond van Suid-Afrika wynerfenis. Die legendes, nuwe wynkunstenaars, sommerliers, wingerdboukundiges, bemarkers en passievolle sjefs kuier in die ateljee. Van 1659, die Groot Constantia-erfenis, die KWV tot die “Mavericks van Malmesbury” en die klein wynprodusente van die wynstreke kom aan die beurt. Luister na "my wyn van die week" en soms vreemde wynfeite van regoor die wêreld. Elke episode word afgesluit met vyf vrae aan die gaste. Wie is hulle wynmaker “crush”? Indien hulle ‘n wyn was, watter wyn sou hulle persoonlikheid die beste verteenwoordig?

RSG Bekbasaar: Die Reine Wynheid – ‘n Fees van Amfora

RSG Bekbasaar: Die Reine Wynheid - 'n Fees van Amfora

Kategorie: Die Reine Wynheid2026-08-19

S2E15: Suid-Afrika se eerste Amfora Wynfees vind einde Augustus plaas. Louis Strydom van Ernie Els Wyne, Hannes Nel van Lourensford en Tim Hoek van Haute Cabrière verduidelik hoekom hulle van hulle wyne in amfora verouder. Pedro Ribeiro van Portugal en Federico Manetti, wie se familie in Italië sedert die 1800’s met klei werk, vertel ook van die gebruik van kleipotte. Danie Niehaus gesels saam oor sy gunstelingwyn langs sy gunstelingdam buite Robertson.

RSG Bekbasaar: Die Reine Wynheid – Miles Mossop Wyne

RSG Bekbasaar: Die Reine Wynheid - Miles Mossop Wyne

Kategorie: Die Reine Wynheid2026-08-12

S2 E14: Tussen die branders en die wingerde het Miles Mossop sy talent as wynmaker ontwikkel. Sy wyne is ‘n familie-affêre, met sy vrou se kuns en inspirasie van sy kinders. Miles vertel vir Martelize Brink hoe hy wyn gemaak het vir een van die top wynhandelsmerke in Suid-Afrika terwyl hy terselfdertyd aan sy eie wynetiket gewerk het. Marlelize het ook vir Erns Grundling oor sy wynavonture uitgevra.

RSG Bekbasaar: Die Reine Wynheid – Meerlust – Die plesier van die see

RSG Bekbasaar: Die Reine Wynheid - Meerlust - Die plesier van die see

Kategorie: Die Reine Wynheid2026-08-05

S2E13: Hoe bereik ‘n Suid-Afrikaanse wyn wêreldwye ikoonstatus? Dié ikoon is Meerlust Rubicon. Keldermeester en besturende direkteur, Wim Truter, verkope- en bemarkingsbestuurder Deidre Taylor, en die skrywer van MEERLUST: BEYOND THE RUBICON, Emile Joubert, praat oor die geskiedenis van Meerlust, en die impak van agt generasies op die plaas, so ver terug as 1756. Anna-Mart van der Merwe gesels oor haar gunstelingwyn.

RSG Bekbasaar: Die Reine Wynheid – Die grootse Kleine Zalze

RSG Bekbasaar: Die Reine Wynheid - Die grootse Kleine Zalze

Kategorie: Die Reine Wynheid2026-07-29

S2E12: ‘n Wingerd wat soos ‘n heilige ervaring vir die wynmakers is, verskeie ouwingerd blokke vir hulle bekende Chenin Blanc, en ongeveer 75 wyne wat uit hulle stal kom – Martelize Brink gesels met Kleine Zalze se vier wynmakers, RJ Botha, Nataleé Botha, Hanri Ferreira en Carla van Wyk. Sandra Prinsloo vertel van ‘n baie spesiale Pinotage.

RSG Bekbasaar: Die Reine Wynheid – Tygerberg

RSG Bekbasaar: Die Reine Wynheid - Tygerberg

Kategorie: Die Reine Wynheid2026-07-22

S2E11: Ons verken die Tygerberg-gebied saam met argeoloog dr. Marius Breytenbach en die Kaapse Wynmeester, dr. Winifred Bowman. Hulle bespreek die geskiedenis van boerdery in dié gebied, en die begin van die ryk wyngeskiedenis, insluitend die geskiedkundige Meerendal-wynplaas.

RSG Bekbasaar: Die Reine Wynheid – Kleinood

RSG Bekbasaar: Die Reine Wynheid – Kleinood

Kategorie: Die Reine Wynheid2026-07-15

S2E10: Ons vat die pad na die hartjie van Stellenbosch, en besoek die idilliese plaas, Kleinood, waar Syrah seëvier in die middel van Cabernet Sauvignon-wêreld. Wynmaker en wingerdboukundige Lawrie Moore bied ‘n intieme wynproe aan in die vatverouderingskelder. Sarel Seemonster, Karel Kraai en Lochner de Kock maak ook ‘n draai.