Suid-Afrika staan weer voor ’n ongemaklike spieël. Betogings teen ongedokumenteerde migrante en toenemende xenofobiese sentiment het nie net gemeenskappe verder verdeel nie, maar ook wêreldwyd vrae laat ontstaan oor die land se verbintenis tot menswaardigheid, geregtigheid en Afrika-solidariteit. Hoe praat ons eerlik oor onwettige immigrasie, misdaad en ekonomiese druk sonder om haat en verdeeldheid aan te blaas? Ons praat hieroor met Barend la Grange, sameroeper van die Dialoog vir Aksie-netwerk.