Vir baie RSG-luisteraars is Land en Sand meer as net ’n Dinsdag-radiobederf. Met diepgaande profielonderhoude, wat in werklikheid tot twee ure duur, het die reeks ontwikkel tot een van die SAUK se gewildste potgooie. Deel van die suksesresep is dat mense voel of hulle saam met bekendes en berugtes aan tafel sit. Die man agter die stories is Pieter Steyn, mede-inhoudsregisseur van Op en Wakker.