As kind het sy haar ouers grys hare gegee, en tog was sy tegelykertyd só skaam dat sy dramalesse moes neem om uit haar dop te kruip. Deesdae speel sy Kupido as aanbieder van die Boer soek ’n vrou-televisiereeks. Die ironie van die saak is dat Reandi Grey self nie lank genoeg kan stilsit om na ’n TV-program te kyk nie. Sy het land en sand met Pieter Steyn gepraat oor alles van haar eerste TV-rol tot haar man en twee dogtertjies.