Die debat oor wie namens Afrikaners praat en hoe hulle hulle plek in Suid-Afrika sien, raak al hoe skerper. Hoewel verskillende groepe tot die land en sy mense verbind is, verskil hulle oor hoe die Afrikaner-gemeenskap se belange die beste bevorder moet word. Die meningsverskille draai veral om drie kernkwessies, maar daar is ook belangrike raakpunte, wat ruimte skep vir gesprek. Só sê dr. Theuns Eloff, ’n onafhanklike kommentator.