In Oudtshoorn, in die hart van die Klein Karoo, is daar ’n nuwe toevoeging tot die dorp se vaardigheid- en opleidingslandskap. Die Africa Skills Cango Academy is gister geopen, en bring praktiese opleiding nader aan jong mense, werksoekers en werkgewers in die streek. Die fokus is sterk op vaardighede wat mense nader aan werkgeleenthede kan bring. Ons praat met Elsie Harmse, uitvoerende hoof van UXI-Artisan Development en Africa Skills.