Die Overberg het vanjaar deurgeloop onder oorstromings en vloedskade, maar nou is daar ’n gevoel van afwagting op Bredasdorp. Volgende week kom duisende mense weer na die dorp vir Nampo Kaap, een van die Wes-Kaap se groot jaarlikse landbou- en gemeenskapsgeleenthede. Van groot landboumasjinerie en nuwe tegnologie tot kos, musiek en die stories van die mense wat die kos op jou bord moontlik maak, is daar iets vir ’n baie breër gehoor as net boere. Ons praat met Chrystal van Wyk, hoofbestuurder van Bredasdorp Park.