Sy is Suid-Afrika se voorste netbalspeler, en is al aangewys as die beste netbalspeler in die wêreld. Karla Pretorius het onlangs haar uittrede aangekondig, kort na afloop van die Statebondspele in Engeland, ná ‘n suksesvolle loopbaan van byna twee dekades as Protea-netbalspeler. Sy het land en sand met Pieter Steyn gesels oor die hoogte- en laagtepunte in haar loopbaan, en die uitdagings in haar persoonlike lewe, soos ‘n miskraam.