Die Swartland is dalk meer bekend vir sy koringlande as Formule 1, maar dit kan binnekort verander. ’n Private groep, Blue Mountain Racing, het planne bekendgemaak vir ’n FIA-graad 1-renbaan en motorsportaanleg in dié distrik. DIe plan is om teen 2031 ’n Formule 1 Grand Prix in die Swartland aan te bied. Ons praat met Bobby Hartslief, ’n sakeman wat deel is van die konsortium wat die R6,7 miljard projek aanpak.