Suid-Afrika wil kinderverdwerging en ondervoeding hok slaan, maar die stryd moet volgens kenners reeds begin voordat ’n baba gebore word. Tog kry swanger vroue wat in armoede leef eers toegang tot ’n kindertoelaag nadat hulle baba gebore en geregistreer is. ’n Koalisie van organisasies en navorsers vra nou dat die staat ’n moedertoelaag van R580 per maand betaal aan swanger vroue wat daarvoor kwalifiseer. Ons praat met prof. Christine Taljaard-Krugell, ’n navorser in voeding en openbare gesondheid by Noordwes-Universiteit se Sentrum vir Voedingsuitnemendheid.