Dwelms is nie net ’n probleem wat iewers ver van ons af afspeel nie. Dit raak mense uit verskillende ouderdomsgroepe, agtergronde en gemeenskappe, en die gevolge strek dikwels veel verder as die persoon wat die middel gebruik. Hoe goed verstaan ons die middels wat in ons gemeenskap voorkom? Wanneer verander iets wat dalk as eksperimentering of ontspanning begin het, in afhanklikheid? In hierdie gesprek met Jan Neethling van Walking With Winners kyk ons na die mees algemene dwelms, die tekens dat iemand se gebruik ’n probleem word, en hoe familie en vriende ondersteuning kan bied.