Saterdag Sprankel

Fotojoernalis Marzahn Botha het in 2019 ‘n uitgestrekte reis oor die platteland onderneem om stories van hoop op te spoor te midde van die versengende droogte. Al hierdie stories het sy neergepen in ’n boek, Lafenis in die droogte. Nou ná ‘n paar jaar het sy weer van hierdie plekke besoek.

Niel Saayman vertel van die lewe op Agter-Kliphoogte naby Robertson. Hy en sy gesin het vroeër in Pretoria gewoon waar hy ‘n joernalis waas. Ná Covid het hulle die skuif na die platteland in die Wes-Kaap gemaak.

Johann Smith is ‘n dosent in statistiek en data-analise by Akademia. Hy is ook ’n draaiboekskrywer wat onder meer vir deel van 7de Laan se skrywerspan was. Hy deel sy resep vir ‘n voorgereg vir ‘n braai.

Tesselaarsdal en Karwyderskraal is name wat jy langs die pad sal kry op pad na die nagenoeg 15 km lange Hemel-en-Aarde-vallei naby Hermanus. Fernkloof se bekende staproetes met varings en fynbos kronkel ook hier deur, en dit is vir die Overbergers en Kusgangers ‘n heerlike uitry om die Vallei van Pinot Noir te besoek. Johan Rademan het met Barto Eksteen en sy seun, Pieter-Willem, gesels.

Die Van der Walt-familie vier aanstaande jaar 300 jaar sedert hulle enigste stamvader in 1727 in Suid-Afrika aangekom het. Hulle beplan ‘n groot makietie, en gaan poog om ‘n nuwe wêreldrekord op te stel. Die Van der Walt Bond het vir Rina Oosthuizen aangestel om die fees te organiseer.

Roger Jacobs, ‘n afgetrede skoolsielkundige, praat oor geestesgesondheid as ’n mensereg.