Spesiale uitsending

Jody Hendricks vind meer uit oor die belangrikheid van plaaslike regering, en dienslewering vir inwoners.

21 Junie 2026: Met die oog op die plaaslike regeringsverkiesings op 4 November, is dit noodsaaklik dat elke stemgeregtigde burger se besonderhede korrek is. Elsje van Jaarsveld praat met Jacques Jansen van die OVK oor hoe maklik dit is om aanlyn te registreer of jou status na te gaan. Hy verduidelik ook die omstandighede waarin kiesers hergeregistreer moet word.

14 Junie 2026: Ons fokus op die kritieke eerste stap van die demokratiese proses – om te registreer om te stem. Elsje van Jaarsveld praat met Jacques Jansen van die Onafhanklike Verkiesingskommissie oor die logistiek en belangrikheid van registrasie vir die komende plaaslike regeringsverkiesings.

7 Junie 2026: Elsje van Jaarsveld praat met Jacques Jansen van die OVK oor waarom die munisipale verkiesings so krities is vir die lewering van noodsaaklike dienste in gemeenskappe. Ons kyk na Suid-Afrika se gemengde kiesstelsel, wat ‘n kombinasie is van wykstelsels en proporsionele verteenwoordiging. En ons bespreek die vereistes vir onafhanklike kandidate en geregistreerde politieke partye wat die verkiesing wil betwis.

31 Mei 2026: Op 4 November 2026 kan stemgeregtigdes hulle kruisies trek vir beter dienslewering tydens die plaaslike munisipale verkiesings. Dit is die Onafhanklike Verkiesingskommissie se taak om te sorg dat die verkiesing onpartydig en deursigtig is. Die OVK behoort nie aan die regering van die dag nie – dit behoort aan die mense van Suid-Afrika om te verseker dat elke stem tel en elke uitslag geloofwaardig is. In die eerste episode van die reeks verken ons die kern van die OVK en sy mandaat. Elsje van Jaarsveld praat hieroor met Jacques Jansen van die OVK.

Lin-Mari de Klerk-Lorist is die hoofstaatsveearts van die Krugerwildtuin, en haar man Rudi Lorist, is ‘n veldwagter, gids, en een van Skukuza-gholfklub se voorste spelers. Hulle vertel vir Derrich Gardner van hulle lewe in die park.