Die program fokus daarop om die man op straat kennis en insig te gee in belangrike sake rakende menslike gedrag.
29 Mei 2026: Baie mense vra eers vir hulp wanneer hulle al lank emosioneel uitgeput is, omdat skaamte hulle stil hou. Hoe vra mens vir hulp sonder skaamte? En, Hoekom bly mense soms in verhoudings wat hulle seermaak?
Is dit moontlik om langs iemand te lê en tog diep eensaam te voel? En, as jou maat emosioneel ontrou was, kan vertroue ooit regtig herstel? Ons gesels eerlik oor emosionele afstand, verhoudingspyn en die moeilike pad terug na mekaar toe.
Moedswilligheid gaan nie altyd oor rebels wees nie. Dit is dikwels ’n manier waarop mense beheer probeer terugvat wanneer hulle oorweldig voel. En, daardie skuldgevoel wanneer jy iets vir jouself doen is nie altyd ’n morele kompas nie, dis dikwels iets wat jy oor jare aangeleer het.
Hoe sê ‘n mens “nee” sonder om skuldig te voel? Hoe onderskei ’n mens tussen stres, uitbranding en depressie?
Konstante moegheid is nie altyd fisies nie. Dit kan ’n teken wees van emosionele oorlading, wat jou liggaam nie meer kan dra nie. En, tydens menopause kan hormonale veranderinge jou gemoed só beïnvloed dat jy voel jy word iemand anders.
Mense wat sukkel om nee te sê, dra dikwels ’n dieper vrees – dat hulle waarde lê in hoe beskikbaar en goed hulle vir ander is. Ons praat oor hoekom grense soos mislukking voel, en hoe jy dit kan herbedraad sonder skuld. ’n “Moeilike” persoon is nie altyd net iemand anders nie, dit is dikwels iemand wat presies jou eie patrone, vrese of grense uitdaag. Ons ontleed hoe om met “moeilike” mense te werk sonder om jouself te verloor of stil-stil kwaad te word.
