Vandag se leefstyl is baie anders as 30 jaar gelede – so ook die manier om kinders groot te maak en die probleme wat kinders het. Hierdie is ‘n program vir ma’s en pa’s, oumas, oupas, bure en enige een wat kinders of tieners grootmaak en soms voel of hulle teen die mure kan uitklim!
5 November 2026: Kinders wat in en om die huis help met huistakies, leer baie meer as net ‘n sin van verantwoordelikheid. Arbeidsterapeut Charlene Cruickshank sê dit help hulle slyp aan vele vaardighede, van liggaamlike tot skolastiese ontwikkeling.
29 Oktober 2026: Agteros kom ook in die kraal. Dit is ook die geval met kinders se ontwikkelingsvlakke wat van mekaar verskil, en spraak is geen uitsondering nie. Sommige kinders is laat-praters en daar is baie redes hiervoor. Seuntjies praat oor die algemeen ook later as dogtertjies. Spraakterapeut en skrywer, Christien Neser, praat oor genetika, biologiese faktore en omgewingsinvloed.
22 Oktober 2026: Ons leer gewoonlik by ons ma’s, oumas en tannies hoe om kos voor te berei. Ankie Niesing is ’n voormalige Verbruikerstudieonderwyser, en bied kooklesse vir kinders aan. Sy glo kook is ‘n vaardigheid wat vele voordele inhou, en wat kinders kan help om gesonder eetgewoontes te kweek.
15 Oktober 2026: Die tema van vanjaar se Nasionale Voedingsweek is “Skep gesonde voedselomgewings vir beter voeding.” Dieetkundige en borsvoedingskonsultant Natascha Olivier verduidelik wat voedselomgewings is.
8 Oktober 2026: Spelling vorm die boustene vir effektiewe kommunikasie en kognitiewe groei. Die Woorde Open Wêrelde-projek (WOW) van die Universiteit Stellenbosch bied die afgelope paar jaar die grootste nasionale spelfees van sy soort aan. Die finale ronde is die afgelope naweek op die Matiekampus aangebied. WOW-bestuurder Fiona van Kerwel vertel meer van hulle werk in skoolgemeenskappe.
1 Oktober 2026: Dis skoolvakansie, maar die dolle gejaag van die laaste skoolkwartaal is om die draai. Met prysuitdelings en skoolkonserte wat wag, is dit soms moeilik om al die balle in die lug te hou. Kleinkinderonderrigspesialis en kleuterskooljuffrou Yolandi van den Heever gee raad oor hoe om die wa deur die drif te trek in die laaste twee maande. Sy stel voor dat ons asem skep en balans handhaaf.
