Omstredenheid oor die digter en regsgeleerde Jaco Barnard-Naudé se hantering van sy benoeming vir die Eugène Marais-prys het ontaard in ’n ongemaklike gesprek oor ongelykheid en identiteit in die Afrikaanse literêre wêreld. Baie mense wonder hardop hoe die proses agter die skerms werklik werk. Gaan dit hier oor die digkuns self, of oor die geloofwaardigheid van die stelsel wat die werk moet erken en beloon? Ons praat met dr. Annelise de Vries, bestuurshoof van die SA Akademie vir Wetenskap en Kuns.