Binne en buite: Gerhard Pietersen
Gerhard Pietersen, die bestuurshoof van die Bybelgenootskap van Suid-Afrika, deel die ingrypende verhaal van die wrede moord op sy skoonouers in 2016 op hulle kleinhoewe buite Groot-Brakrivier. Hy vertel openhartig van die verskriklike skok, die emosionele impak op sy gesin en gemeenskap, en sy persoonlike geloofskrisis. Hy verduidelik hoe sy joernaal ‘n biegboek geword het, en hoe hy God se teenwoordigheid te midde van onmeetbare pyn beleef het.