Iewers langs die pad in die Vrystaat staan ’n betreklik nuwe padskraper. Nie vir ’n dag of ’n week nie, maar al langer as nege maande. Intussen moet boere self paaie gelykmaak om hulle produkte by markte te kry. Agter dié enkele verlate masjien lê egter ’n groter vraag oor die bestuur van openbare infrastruktuur en die staat se vermoë om sy verantwoordelikhede na te kom. Ons praat met Francois Wilken, president van Vrystaat Landbou.