Dit was een van die land se oudste leefstyl TV-programme: spoghuise, glanspersoonlikhede en die goeie lewe. Nou is Top Billing terug op S3 met ’n nuwe geslag aanbieders wat vars energie na die kassie bring. Onder die aanbieders tel Arno Greeff, wat baie luisteraars sal onthou van die Netflix-reeks, Blood & Water. Hy skuif langs ons ontbyttafel in om te praat oor die herlewing van dié bekende program.