Toe verwoestende vloede dele van die Wes-Kaap in Mei getref het, was die skade nie net sigbaar op paaie, brûe en plase nie. By Van Loveren is duisende wynbottels uit die modder gered, maar met gekrapte etikette en sigbare vloedmerke, wat dit vir winkelrakke ongeskik gemaak het. Nou kry dié bottels ’n tweede kans. ’n Bekende winkelgroep het ingestem om dit as bottels van hoop te verkoop. Ons praat met Phillip Retief, een van die vier neefs agter die Four Cousins-wynreeks en ook uitvoerende hoof van Van Loveren.