Rol die beesblokkies in ‘n bak met die meelmengsel, en hou eenkant.
Verhit olie in ‘n groot kastrol.
Braai die beesblokkies tot bruin, en skep uit.
In dieselfde kastrol, braai die uie, knoffel en lourierblare vinnig saam.
Voeg die komynpoeier, kaneel, rissiepoeier en naeltjies by, en braai saam met die res.
Roer die tamaties in, en kook vir 5 minute.
Voeg die beesekstrak en beesblokkies by, en kook vir ongeveer ‘n uur op lae hitte tot sag.
Roer die kekerertjies en spinasie by, en prut vir 10 minute.
Voeg sout en peper na smaak by.
Garneer met vars koljander.
Bedien op koeskoes of bruinrys.