Ons fokus op die rol wat pa’s of vaderfigure speel in die lewe van voorskoolse kinders, en hoe hegte bande gesmee kan word. Mari Payne van Sesame Workshop South Africa, wat wêreldwyd ‘n positiewe bydrae tot gemeenskappe lewer, vertel van hulle veldtogte om vader/kind-verhoudings te verstewig.
Nuutste behandeling vir spat-are
Wat is die nuutste ontwikkelings in die behandeling van spatare en spinnekop-are? Wat is diep veneuse trombose, waarom is dit so gevaarlik en hoe kan dit voorkom en behandel word? Marí Hudson gesels met Dr Johan Blignaut ’n spataar-spesialis oor al die probleme wat met are te doen het, met die fokus op minder ingrypende behandeling.
Dr Blignaut is ‘n Spesialis Chirurg van die Vein Centres of South Africa met spreekkamers in Durban en Johannesburg. Hy is ‘n spesialis chirurg wat sy praktyk toegewy het aan die sorg van veneuse toestande van die bene, soos spatare, spinnekop aartjies, veneuse ulkusse en dies meer. Hy spesialiseer spesifiek in die moderne en meer gevorderde tegnieke om hierdie toestande te behandel, soos endo-veneuse prosedures.
Vers en Klank: Om vreemdelinge dop te hou
Is dit vir jou ook so vermaaklik om mense te kyk? Om vreemdelinge op straat of in ’n restaurant dop te hou, en dan vir hulle ’n storie uit te dink – ’n lewe, ’n werk, ’n blyplek… Susanne Beyers lees gedigte voor oor sulke karakters wat ons digters se verbeelding aangegryp het.
Wat weet jy van die son?
Dr. Stefan Lotz en prof. Matie Hoffman beantwoord ’n klompie interessante vrae wat ons gekry van ’n luisteraar oor verskeie uiteenlopende aspekte van die son.
Hoekom lispel kinders?
Wie onthou nog Annelie van Rooyen se bekende liedjie oor Sannie wat thewe thakke thout thal eet? Spraakterapeut en skrywer, Christien Neser, praat oor die oorsake en behandeling van lispel.
Wat is ‘n newel?
Lafras Smit praat oo die hoogtepunte van Oktober se hemelruim. Ons luister na ’n paneelbespreking wat vroeër vanjaar by die Vrystaat Kunstefees opgeneem is, waar ons gesels het oor robotiese teleskope en gamma-knalle. In Ruimteraai verduidelik Lafras wat newels is.
Luister weer: Dokumentêr oor legendariese Jerry Watt en The Rockets
Carla Mackenzie kyk na die kleurvolle geskiedenis van wyle Jerry Watt en die internasionaal bekende The Rockets.
Die groep van vyf mans het op die Kaapse Vlakte begin, maar het later jare die verhoog gedeel met internasionale musiektalent soos Usher, Luther Vandross en selfs die Spice Girls!
Die voormalige leier en kitaarspeler van die geliefde groep The Rockets is dood ná ’n stryd met gevorderde sagteweefselkanker. ’n Kleinkind van Jerry volg egter in sy oupa se voetspore en sorg dat die musiek aanhou speel.
In hierdie dokumentêr gesels Carla met Jerry se vrou, Alison, oor die nalatenskap wat haar oorlede man en The Rockets vir nog geslagte nagelaat het. Manuel Losper, jarelange vriend en deel van die Rockets en Dr Victor deel ook herinneringe.
Het SA beheer oor dieresiektes?
Die derde Overberg Herkouerdag wat by die Roodebloem-proefplaas naby Caledon aangebied is, is deur meer as 350 mense bygewoon. Die bestuurder van die proefplaas, Francois du Toit, gee terugvoer. Stefan Erasmus, ‘n merino-boer van Middelburg in die Oos-Kaap, beantwoord die vraag of intensiewe lamstelsels nog winsgewend is. Ons hoor wat dr. Liezel Wasserman, ‘n veearts van Clocolan, sê oor die beheer van dieresiektes in Suid-Afrika. Die wolseisoen het verlede week geopen, en Heinrich Victor vertel wat by die veilings gebeur het.
Wat is die uitwerking van stertsny op die gedrag van lammers?
Watter uitwerking het stertsny op die gedrag van lammers? Dr. Helet Lambrechts van Universiteit Stellenbosch praat oor vrotpootjie by skape.
Die Hajj-pelgrimstog: die hittegolf en sterftes
Sowat 1 300 mense is dood terwyl hulle die Hajj-pelgrimstog by Mekka in Saoedi-Arabië meegemaak het. Die Midde-Ooste loop deur onder uiters hoë temperature weens ‘n hittegolf. Meer as 2 miljoen Moslems woon jaarliks dié pelgrimstog by – dit is een van die vyf pilare van die Moslem-geloof.
Ons praat hieroor met professor Farid Essack van die Universiteit van Johannesburg.