Lisette Nowers doen wetenskaplike navorsing by die Departement van Landbou in die Wes-Kaap, hoofsaaklik oor swamsiektes wat in canola voorkom. Canola is ‘n plant met vele gebruike vir mens sowel as dier.
Sy en Arie van Ravenswaay van dieselfde departement is onlangs met ‘n toekenning vereer ná ‘n grensverskuiwende navorsingsprojek oor die bestuur en voorkoming van canola-siektes.
Mense met sinestesie kan kleure sien wanneer musiek speel, of geure proe wanneer hulle sekere woorde hoor. Hoe word spieëlaanraking-sinestesie verklaar?
Wat beïnvloed of veroorsaak temperatuur?
Luister na die program: Hoe verklaar jy dit? 20 Julie 2025
Bipolêre versteuring is ‘n diagnoseerbare sielkundige toestand wat gekenmerk word deur groot skommelinge in ‘n persoon se gemoedstoestand, vanaf uiterste depressie (lae gemoed) tot uiterste manie (uitermatige, ontoepaslike opgeruimdheid). Navorsing oor dié toestand duur steeds voort, maar ‘n kombinasie van medikasie en psigoterapeutiese behandeling (om ‘n sielkundige te gaan spreek), kan die simptome grootliks verlig en lewenskwaliteit verbeter.
Luister hier na die program: Wie is ek? 18 Julie 2025
Dr. Vivian Malan, ‘n staatsveearts in die Boland, praat oor die huidige stand van voëlgriep in die land.
Granville Stander van die Elsenburg Navorsingsinstituut, vertel waarna voornemende studente kan uitsien.
Deona Strydom van die Wes-Kaapse Departement van Landbou gesels oor die provinsie se prestige agri-toekennings.
Ons fokus op leesagterstand, en wat die regering se planne is om die probleem aan te pak, saam met remediërende terapeut en medeskrywer van die Tippie-reeks, Reinette Lombard.
Luister na die gesprek: Groeipyne 17 Julie 2025
Hoekom is Bitcoin so opgewonde oor Kriptowee
Wiehann Olivier – vennoot en hoof van digitale bates, Mazars SA.
Luister weer na Veelsydige vakmeester – ‘n profieldokumentêr oor Woutrine Theron, saamgestel deur Ina Strydom.
Agtergrond-inligting
Die land het Woutrine Theron leer ken as Grieta in die televisiereeks Nommer Asseblief, wat in 1979 uitgesaai is. Maar haar loopbaan het heelwat vroeër begin by die destydse Kruik, ná haar dramastudies op Stellenbosch. Sy was toe ook reeds ‘n gereelde speler in radiodramas, en het in verskeie rolprente opgetree. Maar televisie het ‘n nader soort bekendheid gebring: skielik was hulle weeklikse gaste in mense se sitkamers.
Woutrine het egter ‘n ánder pad begin loop – dié van dramadosent aan die destydse Pretoria Technikon, vandag die Tshwane Universiteit van Tegnologie. Vir 30 jaar het sy die lewens en loopbane van jongmense geslyp, mense wat van die land se bekendste akteurs en teatermakers geword het.
Sy het hulle die praktiese vaardighede geleer wat in die teaterbedryf benodig word – maar ook die lewensvaardighede om in dié moeilike bedryf te oorleef en te floreer. Sy het hulle geleer van dissipline, en harde werk, en selfkennis; en dat ‘n rol jou nie definieer nie.
Maar Woutrine het ook verder in die bedryf belê deur die Nasionale Toneelkompetisie vir hoërskoolleerlinge op die been te bring, en vir die eerste dekade van die kompetisie se bestaan, dit self bestuur. Die kompetisie leef vandag voort in die gedaante van die Proscenium-toneelkompetisie vir hoërskoolleerlinge. Sy tree steeds as beoordelaar op vir verskeie dramakompetisies.
Wanneer die geleentheid hom voorgedoen het, soos tydens ‘n tydperk van sabbatsverlof, het Woutrine die kans aangegryp om televisierolle te vertolk. Sy was onder meer te sien as Sussie, Bertie se vriendin, in Franz Marx se Egoli, en ‘n meisie uit Garies wat in Hilda van Sewende Laan se slaai kom krap het. Sy het ook reeds twee boeke agter haar naam. Sy het ‘n eenvrou-vertoning geskep oor die werk van die Audrey Blignault wat twee jaar by die Woordfees opgevoer is en ook in 2016 tydens die RSG-Kunstefees uitgesaai is.
Woutrine het verlede jaar 80 geword; ‘n jeugdige, vrolike 80. Sy het nog vanjaar in ‘n rolprent en in ‘n televisiereeks gespeel, en sy beoog nog ‘n boek, en ‘n eenvroustuk.
Jare gelede op universiteit moes sy kies tussen Liggaamlike Opvoedkunde – sy het immers op hoërskool provinsiale kleure in drie sportsoorte gekry – en Drama. Gelukkig het sy Drama gekies. En dit is waarskynlik nie ongegrond om te sê dat Woutrine Theron een van die invloedrykste mense in die land se teaterbedryf was die afgelope halfeeu nie.
Aktrise, dosent, skrywer, teaterbeoordelaar, en stigter van die Nasionale Toneelkompetisie is maar net ván die beskrywings wat van Woutrine Theron gegee kan word. Sy het algemene bekendheid verwerf as Grieta in die destydse televisiereeks, Nommer Asseblief; was vir 30 jaar as dosent verbonde aan die destydse Pretoria Technikon, vandag TUT, en het twee boeke op haar kerfstok. Sy het verlede jaar 80 geword, en beplan om nog ‘n boek te skryf en om weer ‘n stuk op die verhoog, haar voorkeurmedium, te doen. Ina Strydom belig enkele van die vele aspekte van haar loopbaan.
Sonja Carstens – woordvoerder, Misa.
Daar is kommer oor Suid-Afrikaans vervaardigde motoronderdele
Die onlangse mediakonferensie deur die KwaZulu-Natalse polisiekommissaris, luitenant-generaal Nhlanhla Mkhwanazi, waar hy ernstige aantygings oor politieke inmenging deur die minister van polisie, Senzo Mchunu, gemaak het, laat al die hele week politieke bomme bars.
In ‘n onlangse artikel op die aanlynpublikasie, BinneLand, skryf professor Piet Croucamp van die Noordwes-Universiteit se Sakeskool, dit is moeilik om tussen misdadiger en handhawers van die wet te onderskei in Suid-Afrika. Piet is ‘n kenner op georganiseerde misdaad.
Luister vanaand net ná agtuur na die dokumentêr Op Elke Straathoek: Is Dagga Die Nuwe Wonderkuur?, saamgestel deur Jaco de Waal.
Dagga – vir jare ’n taboe, nou ’n alledaagse gesprekspunt. Van pynverligting tot geestesgesondheid, word cannabis toenemend as ’n natuurlike alternatief voorgestel. Maar hoe veel daarvan is medies geregverdig, en hoe veel is bloot bemarking?
In hierdie radio-dokumentêr ondersoek Jaco de Waal die opkoms van mediese cannabis in Suid-Afrika en die spanning tussen verwagting, navorsing en werklikheid. Die dokumentêr delf in die kernvrae rondom cannabis as medisinale middel.
Gesprekke met kundiges sluit in:
