Wat is in die pot?

Kunsmatige inteligensie word al hoe meer gebruik in opvoedkundige instellings. Barrie Ferreira praat met twee jong Suid-Afrikaanse entrepreneurs wat KI-tegnologie ontwikkel het om studente se take en toetse te merk. Hy vind meer uit hoe die tegnologie werk, en hoe dit studente kan baat.

Ilse Salzwedel bring hulde aan prof. Maritha Snyman, kinderboekskrywer, akademikus en voormalige uitgewershoof, wat onlangs oorlede is. Vier voormalige studente/kollegas (Drr. Nandi Lessing-Venter en Marieta Nel, Samantha Miller en Anzil Kulsen) gesels oor Maritha se werk en menswees. Johan Myburg gesels oor die voordele van hardop voorlees vir kinders, ‘n leeslys vir twintigplussers wat deur ‘n Indiese webwerf saamgestel is en die kortlys vir die Ondaatjie-prys, ‘n belangrike internasionale letterkundeprys. Kinderboekskrywer De Wet Hugo praat oor sy skryfwerk en ‘n nuwe boek wat as een van die twee wenners van NB se 2023 Jeugboekpryse aangewys is.

Die drie finaliste in die Veeplaas Klimaatslim Ambassadeurprojek is aangewys. Die Karoo Winter Wolfees word oor ‘n maand by Middelburg in die Karoo aangebied. Van die skaap op die plaas tot die trui aan jou lyf. Alles gaan oor wol. Ons vind meer uit van die plaaslike springmieliebedryf by David Kretzmann van AGT Foods Africa.

AS DIE HADIDA ROEP deur Charles J. Fourie
Regie: Denver Vraagom
EPISODE 52: ‘n Vierde aardbewing tref die dorp, en skud almal weer van koers af. Ester praat haar mond verby voor Jolene oor Manie se geldsakke. Ronel besluit om met die tweerigtingradio’s by die noodtafel te help. Lionel wys Jolene hoe hy sy kantoor by die polisiestasie ingerig het vir ‘n slaapplek vir hulle.

Hazel Janse van Rensburg vind by Ellsforth Booyse van die Onafhanklike Verkiesingskommissie uit wat die gedragskode behels wat politieke partye, kandidate en kiesers moet volg.

PLASTON: DNS-KIND deur P.G. du Plessis
Regie: Robert Young
Plaston (Grieks vir ‘hy wat gemaak is’) is ‘n 19-jarige, beeldskone jong man wat kunsmatig deur wetenskaplikes geskep is. Hy kom op die afgeleë dorpie, Aardendal, aan waar hy in die gemeenskap geïntegreer word, en terselfdertyd fyn dopgehou word. Hy ontmoet vir die eerste keer ander mense, soos die dorpsidioot, die mooi jong meisie, Kotie, en die predikant Genopen. Plaston is ‘n wese in wie daar geen kwaad is nie, maar wat juis ‘n diep begeerte het om mens te word, pyn en liefde te ervaar, en probeer om bo sy programmatiese self uit te styg. ‘n Professor en sy personeel hou elke beweging wat hy maak fyn dop, en luister na elke woord wat hy sê. Hulle raak onthuts wanneer Plaston afwyk van sy programmatiese beheer, en sy nuutgevonde vryheid besef en begin geniet. Plaston word vertolk deur Richard van der Westhuizen. Ander veterane sluit in Rina Nienaber, Hennie O ...

Luister na Mendelssohn se musiek vir die psalm, RICHTE MICH, GOTT, wat hy in 1843 voltooi het; ‘n aria uit Albert Lortzing se UNDINE; en ‘n deel uit Charles Alkan se Trio in G-mineur, Opus 30.