Soos gehoor in driesestig: In Richmond Hill, een van die Baai se voorstede, staan die mense verstom wanneer Irie die kruis pitboel-staffie, volspoed verbyhardloop met haar mense-pa, Bardy Badenhorst, op sy skaatsplank, op sleeptou. Baie mense het al video’s probeer neem, maar die twee blits só vinnig verby dat dit maar net sekondegrepe is. Mariska Spoormaker het Bardy en Irie in Richmond Hill se strate ingewag om meer uit te vind.