07:00 - 09:00

Op en Wakker

Met Robbie Kruse , Sue Pyler-Slabbert , Gustav Greyling , Blaine Jones

Nou op die lug: 09:00 - 11:30

alhoebekker

Met Amore Bekker

Amore Bekker

Volgende: 11:30 - 12:00

Gesondheid

Met Marí Hudson

12:00 - 13:00

Spektrum

Met Suzanne Paxton

Tuis | Nuus

Nuus

RSG saai elke dag tot soveel as 18 nuusbulletins uit. Klik op die betrokke uur hieronder om daardie spesifieke bulletin te lees.

Drie moordverdagtes sal vandag in Khayelitsha in die landdroshof verskyn, in verband met die massamoord in New Monwabisi-park op die Kaapse Vlakte, in Maart. Vier mans en ‘n vrou is in die aanval doodgeskiet. Na verwagting sal die hof uitspraak lewer in die borgtogaansoek van een van die beskuldigdes – die 34-jarige Madoda Zwayi. Zwayi is eerste in verband met die moorde in hegtenis geneem. Die ander verdagtes, Sipho Mgijima en Thembani Kobe het aangedui dat hulle nie aansoek om borgtog gaan doen nie.

Die verhoor van drie verdagtes wat na bewering ‘n Britse egpaar ontvoer en vermoor het, word vanoggend in die Durbanse Hooggeregshof hervat. Die drie verdagtes Sayefundeen del Vecchio, Fatima Patel en Mussa Jackson het skuld ontken op ses aanklagte teen hulle. Dit sluit in intvoering, moord en roof. Die saak is tot vandag uitgestel nadat die verdediging gevra het vir meer tyd om met hul kliënte te konsulteer. Die 64-jarige Rachel en 73-jarige Rod Saunders van Kaapstad, wat op 9 Februarie 2018 in KwaZulu-Natal vermis geraak, se liggame is sowat tien dae later in die Verulam-gebied aangetref.

Die South African Union of Studens, of SAUS, sê die beweerde verkragting van ‘n student by die Universiteit van die Vrystaat, is skandelik. Studente het ‘n betoging op die kampus gehou, en ‘n griefskrif aan die bestuur van die universiteit oorhandig. Hulle eis dat die beweerde verkragter geskors word. ‘n Woordvoerder van die SAUS, Asive Dlanjwa sê voorvalle van seksuele aanranding op vrouestudente word al hoe meer algemeen. Volgens Dlanjwa is daar twee maande na die beweerde voorval nog nie teen die oortreder opgetree nie.

Die Amerikaanse president, Joe Biden het ‘n beroep op Amerikaners gedoen om druk uit te oefen op lede van die kongres om verstandige vuurwapenwette goed te keur. Dit volg nadat 21 mense doodgeskiet is by ‘n laerskool in die stad *Uvalde in Texas. Die polisie sê die 18-jarige aanvaller het losgebrand by die Robb Elementary School voordat hy deur wetstoepassers doodgeskiet is. Die slagoffers is 19 leerlinge en twee volwassenes. Biden het opdrag gegee dat vlae by federale geboue halfstok moet hang om hulde te bring aan die slagoffers.

Die Wêreldgesondheidsorganisasie sê daar is nou meer as 130 gevalle van aappokke in lande buite Afrika bevestig, met nog sowat 100 moontlike gevalle. Volgens die organisasie is ‘n geval van aappokke ook in die Tsjeggiese Republiek aangemeld. Gevalle is gister ook vir die eerste keer in Slovenië en die Verenigde Arabiese Emirate aangemeld, nadat dit vroeër reeds in 18 ander lande bevestig is. Duitsland het intussen sowat 40-duisend dosisse bestel van die maatskappy Bavarian Nordic se entstof ingeval die uitbreking vererger. Dié entstof is die enigste een in die wêreld wat goedgekeur is vir gebruik teen aappokke. Die Duitse minister van Gesondheid, Karl Lauterbach sê aappokke hou nie ‘n groot risiko in vir die algemene bevolking nie. Hy sê dit is nie die begin van ‘n nuwe pandemie nie.

POTGOOI (aanddiens)

INTERAKTIEF

Volg ons op sosiale media: