23:10 - 23:59

Geestesgesondheid

Nou op die lug: 23:10 - 23:59

Deurnag (Woensdag)

Volgende: 05:00 - 05:30

RSG Landbou

Met Lise Roberts

05:30 - 05:55

Musiek op RSG

Tuis | Nuus

Nuus

RSG saai elke dag tot soveel as 18 nuusbulletins uit. Klik op die betrokke uur hieronder om daardie spesifieke bulletin te lees.

Die Nasionale Vervolgingsgesag sê nog sewe mense wat daarvan beskuldig word dat hulle agt vroue verkrag het by West Village naby Krugersdorp op die Gautengse Wesrand verskyn môre in die Randfontein-landdroshof. Dit volg nadat sewe verdagtes, insluitend ‘n minderjarige, vroeër vanmiddag vlugtig in die Krugerdorpse landdroshof verskyn het. Hulle staan tereg op verskeie aanklagte van verkragting, roof met verswarende omstandighede en die oortreding van die Immigrasiewet. Die agt vroue was deel van ‘n produksiespan wat ‘n musiekvideo by ‘n verlate mynhoop opgeneem het toe hulle aangeval is. ‘n Uitkenningsparade is gister gehou. Die saak is tot 28 September vir verdere ondersoek uitgestel.

Die regsverteenwoordiger van die geskorste Openbare Beskermer – Dali Mpofu – het bevestig dat hy aan die Parlement se Artikel 194-komitee geskryf het om te versoek dat president Cyril Ramaphosa gedagvaar word. Die komitee ondersoek die geskiktheid van Busisiwe Mkhwebane om haar amp te beklee. Een van die verslae voor die komitee gaan oor die CR-17-veldtog waarin sy bevind het dat die president die parlement oor sy ANC-verkiesingsveldtog mislei het. Mpofu het voorheen gesê hulle het Ramaphosa genooi om voor die komitee te verskyn, maar hy het die uitnodiging van die hand gewys.

Die Minister van Internasionale Betrekkinge, Naledi Pandor, sê daar is talle uitdagings rondom onwettige immigrasie in Suid-Afrika. Sy sê die land het ‘n Grensbestuuragentskap van stapel gestuur om die probleme te takel. Pandor het met die Zimbabwiese Minister van Buitelandse Sake, Fredrick Shava, vergader om ‘n tussentydse hersiening van die Bi-nasionale Kommissie te bespreek. Pandor het Zimbabwe geloof vir sy samewerking met die immigrasie-kwessie. Sy sê maatreëls is in werking gestel om onwettige immigrasie in Suid-Afrika hok te slaan.

Nomusa Dube Ncube is die nuwe premier van KwaZulu-Natal, nadat sy die kandidaat van die DA, Mabatho Tembe verslaan het. Lede van die wetgewer het per geslote stembrief gestem. Die IVP en die EFF het nie gestem nie. Die regterpresident van KwaZulu-Natal, Isaac Madondo het Dube Ncube ingehuldig.

‘n Beloega-walvis, wat vir dae lank in die Seinrivier in Frankryk vasgekeer was, is kort nadat hy gered is dood. Dit het ‘n omgewingsorganisasie ses ure geneem om die walvis van 800 kilogram uit die water te haal. Die walvis het halfpad na Parys geswem voor die owerhede die soogdier kon inperk om hom uit te haal. Die walvis is in ‘n verkoelde vragmotor na ‘n kusdrop in Normanië geneem waar dit in soutwater teruggeplaas sou word. Veeartse was egter nie optimisties dat die uitgeteerde walvis dit sou oorleef nie.

Die haker, Bongi Mbonambi het aan die Springbokspan vir Saterdag se tweede toets teen Nieu Seeland onttrek weens ‘n kniebesering. Hy word vervang deur die Joseph Dweba. Die erns van sy besering is nog nie bekend nie. Die Bokbreier, Jacques Nienaber sê hy gaan eerder wag vir die uitslag van die skanderings. Malcolm Marx bly egter op die reserwebank.

POTGOOI (aanddiens)

INTERAKTIEF

Volg ons op sosiale media: