Annette Benning vertolk die rol van die voortvarende, dikwels verwaande, maar ystersterk swemmer, Diana Nyad. Sy het vyf keer probeer om tussen Kuba en die Florida Keys te swem – ‘n reis wat haar meer as 50 ure sou neem. Dit beteken dat sy aaneen swem sonder ruskans of menslike kontak. Jodie Foster speel haar afrigter.

NYAD op Netflix is ‘n taai fliek. Jy kyk vir ure lank hoe die moeilike en obsessiewe Diana Nyad swem, haarself verniel en voort-stu. Dis ‘n redelike goeie rolprent, maar jy moet ook uithouvermoë hê om dit te oorleef. Ek het dit in twee sarsies gekyk omdat dit so vermoeiend is.