Foto’s van ‘n sonsondergang op die aarde is algemeen – min fotograwe kan die mooi skemerlug weerstaan. Nou het die Nasa-verkenningstuig, Curiosity, ‘n uitsonderlike sonsondergang op Mars afgeneem. Curiosity verken die Rooi Planeet al sedert 2022, maar hy is meestal op die terrein gefokus. Vir ‘n nuwe reeks foto’s het hy sy kamera lug toe gemik en die sonstrale afgeneem wat bo die horison deur die wolke skyn. Die lug is nie rooi of geel soos hier op aarde nie. Dit is omdat die klein deeltjies in ons atmosfeer sonlig in die afsonderlike kleure van die reënboog afbreek, met die rooi en geel lig wat meestal by ons oë uitkom. Op Mars is die atmosfeer heelwat minder (met minder deeltjies in) wat beteken die lig lyk baie witter. Dit was volgens spanlede van Nasa die eerste keer dat sonstrale so duidelik op Mars gesien word. ‘n Ander foto wys ook mooi wolke in die vorm van ‘n veer. Wetenskaplikes gaan dié foto’s nou bestudeer om die weerpatrone en -toestande op Mars beter te verstaan.