Die kunstenaar Graham Short wat mikroskopiese kunswerke maak, het ‘n spesiale naald gebruik om die hele Onse Vader op ‘n stukkie goud te graveer, wat so klein is dat dit in die oog van die naald kan pas. Dit beteken elke letter van die 273 woorde is omtrent so groot soos die helfte van die breedte van ‘n mens se haar. Jy kan dit net met ‘n mikroskoop lees. Graham drink medisyne om sy hartklop stadiger te maak wanneer hy so fyn moet werk, en kry inspuitings rondom sy ooglede om seker te maak die spiere nie daar beweeg nie.