‘n Groep harige kêrels in Amerika het ‘n rekord opgestel vir die langste ry baarde. Hulle het almal wang-teen-wang gestaan sodat hulle baarde gesamentlik 45 m lank was. Die geleentheid is by Amerika se nasionale baard-en-snor-kampioenskap in Wyoming gehou. Om deel van die ry baarde te kan wees, moet jy ‘n baard van minstens 8 cm lank hê – omtrent so lank soos ‘n grootmens se pinkie.