Watter impak kan die 64 internasionale en plaaslike verkiesings in 2024 op die landbou hê? Wat gaan met wêreldinflasie gebeur? Op watter huidige prestasies kan die Suid-Afrikaanse landbou voortaan fokus? Dis van die onderwerpe waaroor daar gepraat is tydens die herfsbekendstelling van Absa Agribesigheid se gewilde AgriTrends-navorsingsverslag. RSG Landbou het by dié geleentheid met dr. Marlene Louw gepraat. ‘n Jongboer van die Standerton-omgewing, Nicky van der Linde, is verlede jaar as TLU SA se jongboer aangewys. Ons het by dié organisasie se jongboerkonferensie met hom gesels.