Steak
Geur en marineer die steak na smaak.
Voorverhit die lugbraaier vir 5 minute teen 200 °C.
Plaas die steak in die mandjie, en braai vir 4 minute teen 200 °C.
Draai die steak om en braai vir nog 4 minute.
Plaas ’n lepel botter op die steak, draai dit in aluminiumfoelie toe, en laat dit vir 5 minute rus.
Wenk: Die gaarmaaktyd hang af van die dikte van die steak én jou lugbraaier. Gebruik verkieslik ’n vleistermometer om die gewenste gaarheid te bepaal.

Bykos 1: Bros aartappels
Sny die aartappels in blokkies of wiggies.
Meng met olyfolie en die speserye.
Braai teen 200 °C vir ongeveer 18 – 25 minute, terwyl jy dit gereeld skud, totdat dit goudbruin en bros is.

Bykos 2: Romerige knoffel- en sampioensous
Smelt die botter in ’n pan, en braai die sampioene tot goudbruin.
Voeg die knoffel by en braai vir 1 minuut.
Roer die room by, en laat dit vir 3 – 5 minute prut totdat die sous verdik.
Geur met sout en peper, en strooi pietersielie oor.

Bykos 3: Geroosterde groente
Sny die groente in happiegrootte stukke.
Meng dit met die olyfolie, sout, peper en knoffel.
Braai in die lugbraaier teen 190 °C vir ongeveer 8 – 12 minute, afhangend van die groente en hoe bros jy dit verkies.

Bykos 4: Vars Griekse slaai
Sny die groente in kleinerige stukke.
Krummel die fetakaas bo-oor, en voeg die olywe by.
Bedruip met olyfolie en suurlemoensap net voor opdiening.

Bykos 5: Knoffelbotter-mielies
Meng die botter met die knoffel en pietersielie.
Smeer dit oor die mielies en geur met sout.
Rooster in die lugbraaier teen 190 °C vir ongeveer 10 – 15 minute - draai die mielies halfpad om.