Dr. Daniel Shayesteh is ‘n internasionale spreker, skrywer en evangelis van Iran. Hy het, nadat hy intens betrokke was by Islam, ‘n nuwe rigting ingeslaan toe hy die Christelike geloof aangeneem het. Hy gesels oor die Kerk in Iran vandag, en die oorlog.
Aktrise Elma Potgieter deel haar geloofsgetuienis.
Dr. Wouter van Wyk, sekretaris van die kommissie van die Algemene Kerkvergadering van die Hervormde Kerk in Afrika, praat oor die Wêreldgemeenskap van Gereformeerde Kerke se verklaring oor xenofobie.
Professor Stephan Joubert, predikant en stigter van die Ekerk, gesels oor inspirerende leiers wat biddend bly en hulle inspirasie by God kry.
Ds. Janlu Kuyler van Robertson Moedergemeente in die Wes-Kaap praat oor die emosionele nadraai van die vloedskade wat in Mei plaasgevind het.
Dr. Siegfried Louw, ‘n predikant in sinodale diens van Wes-Kaapse sinode en ook betrokke by die Andrew Murray Sentrum vir Spiritualiteit op Wellington, gesels oor mense se interpretasie van die Bybel.
