Kiskenades

Spekkies Vark maak ’n nuwe vriend. Die vriend is ’n interessante mannetjie wat in die tuin woon. Sal die nuwe maatjie Spekkies kan help om weer terug in die woonstel te kom?

Alicia en van haar maats reël vir hulle vriendin Chantelle ’n verrassingspartytjie. Die speelgoed is ook deel van al die planne. Agter die skerms word daar gepluk en geplooi om hierdie partytjie ’n sukses te maak.

Die speelgoed van die speelgoedkis help Alicia om ’n goeddoenlysie saam te stel. Alicia wil die wêreld ’n beter plek maak, en soms hoef jy nie ver te soek om dit te kan doen nie.

Alicia en haar broer-hulle wil ma verras vir Moedersdag. Natuurlik wil die speelgoed van die speelgoedkis help. Alicia en die speelgoed beplan en pluk en plooi agter die skerms om hulle planne uit te voer.

Spekkies Vark wil vlieg soos ‘n arend. Hy en Poppelief Poppie bou vir hom vlerkies waarmee hy wil vlieg. Al die speelgoed van die speelgoedkis is daar, en hulle is baie opgewonde. Sal Spekkies kan vlieg?

Elna Pop kuier by die speelgoed van die speelgoedkis. Elna Pop is ’n ou pop, en is nie gemaak vir speel nie. Die speelgoed van die speelgoedkis en Elna kuier so lekker dat hulle nie die tyd dophou nie. Toe moet hulle skarrel om Elna betyds op haar plekkie in Alicia se ma se kas te kry.