Op en Wakker

Stories, woorde en melodieë ontmoet mekaar by die Woordfees. Raaf is ‘n duo wat presies dít beliggaam. Hulle het 2010 as universiteitstudente in ‘n koshuiskamer begin as die Bottomless Coffee Band, maar het in 2022 ‘n volsirkel-oomblik hier by die Woordfees beleef toe hulle hulle naam amptelik verander het na die betekenis van hul van – RAAF! Lourens en Esté Raaf is hier met hulle eiesoortige, energieke folk-popklanke, 12 verskillende instrumente, en ‘n ongelooflike teaterkonsert getiteld VAN TOE TOT NOU.

Leon van Nierop gesels oor veelbesprole rolprent, Digger, met onder andere Tom Cruise.

Die formidabele Tobie Cronjé is hier by ons op die verhoog by die Woordfees om te gesels oor ‘n boek wat oor hom geskryf is. TOBIE is ‘n biografie oor sy lang en indrukwekkende loopbaan en lewe. Die akteur en akademikus, dr. Chris Vorster, het die biografie geskryf.

9 Oktober 2026: Albé Grobbelaar praat oor Sol Plaatje – joernalis, skrywer, taalgeleerde en eerste sekretaris-generaal van die South African Native National Congress, waaruit die ANC gebore is.

Professor Matilda Burden is ‘n kultuurhistorikus verbonde aan die Universiteit Stellenbsoch. Sy het fassinerende werk deur haar loopbaan gedoen. Haar jongste boek is ‘n dik, maar baie mooi boek oor fonteinname in Suid-Afrika met die titel, OPREISFONTEIN – ‘N ONDERSOEK NA FONTEINNAME IN SUID-AFRIKA. Opreisfontein is ‘n werklike plaasnaam. Daar is duisende plekname waar fontein deel daarvban is – skerpsinnige name soos Droogvoetsfontein, Geduldsfontein, Soebatsfontein, Dombietersfontein en Daggafontein.

Ons saai uit vanaf die RSG en ATKV-vierkant by die Woordfees op Stellenbosch. Ons praat met Saartjie Botha, direkteur van die Toyota Stellenbosch Woordfees. Vanjaar se se feestema is: DIS HOOG TYD, en met bykans 50 000 feesgangers wat op Stellenbosch toesak, is dit een van die grootste kunstefeeste in Afrika. Dis nie ‘n fees met ‘n biertent en vlooimark nie – dis wat die fees so uniek maak – maar ‘n tekort aan vermaak en bepeinsing is daar beslis nie.