Die departement van water en sanitasie het voorgestelde regulasies in die Staatskoerant gepubliseer om private boorgate te reguleer. Komersiële boorgate word reeds deur die regering gereguleer. Wat behels die konsepregulasies, en hoe sal dit mense met boorgate raak, én mense wat nog boorgate wíl boor? Ons praat hieroor met Albertus Lombaard, die hoof-geohidroloog en uitvoerende hoof van die Boorgatwater Vereniging van Suid-Afrika.
Die Reserwebank maak môre sy besluit oor rentekoerse bekend, maar ekonome is dit byna eens dat rentekoerse verhoog sal word. Dit terwyl brandstofpryse hemelhoog is, kos duurder is en munisipaliteite se elektrisiteitsverhogings eersdaags inskop. Verbruikers is onder erge druk. Hoe gemaak met ‘n selfoonkontrak? Of ‘n ballonbetaling op jou motor? Of kontrakte vir besigheidstoerusting soos drukkers en fotostaatmasjiene, as die ekonomie knyp? Ons praat hieroor met Trudie Broekman, ‘n prokureur wat spesialiseer in verbruikersake.
27 Mei 2026: Albé Grobbelaar praat oor die dansfenomeen, Isadora Duncan, wat ’n rewolusionêre omwenteling in die danswêreld teweeg gebring het met haar ongeïnhibeerde interpretasies.
27 Mei 2026: Dawie Roodt van die Efficient-groep praat oor hoe geld geskep word.
Daar is na raming duisende spookwerkers in die staatsdiens, wat die belastingbetaler jaarliks byna R4 miljard kos. Pogings in die verelde om die spookwerkers uit te snuffel het gemengde sukses gehad. Nou het die departement van Binnelandse Sake sagteware ontwikkel om staatsdienswerkers te verifieer. Ons praat hieroor met die Minister van Binnelandse Sake, dr. Leon Schreiber.
Die Minister van Landbou, John Steenhuisen, het bloedneus in die hooggeregshof in Pretoria gekry, en is met ‘n kostebevel gestraf oor die grootste bek-en-klouseer-uitbreking in Suid-Afrika se geskiedenis. Die voorlopige bevel in die hofsaak wat Sakeliga, Vrystaat Landbou en Saai teen Steenhuisen en sy amptenare gebring het, maak dit nou vir boere moontlik om self entstof teen aan te skaf en toe te dien. Hoe staan sake nou met die uitbreking? Ons praat met die voorsitter van Saai, dr. Theo de Jager. John Steenhuisen het nie op ‘n uitnodiging om vanoggend saam te gesels, gereageer nie.
