Wat is in die water wat die waterhiasint so welig laat groei?
David Cochrane van Spoor & Fisher gee duidelikheid oor planttelersregte.
Waaruit bestaan ‘n dag in die lewe van ‘n Australiese skaapskeerder? Charl Rogers is ‘n Suid-Afrikaner wat in Australië as skaapskeerder werk, en ons medewerker, Carin Venter, gesels met hom.
Die eerste Alzheimer-pasiënt wat twee weke gelede die eerste geword om ‘n delikate limf-omleidingsoperasie in Suid-Afrika te ondergaan, toon reeds beterskap.
Word operasies op nog pasiënte beplan en wanneer? Wie is geskikte candidate?
Marí Hudson gesels met die plastiese en rekonstruktiewe chirurg, dr Ben Moodie van die Cintocare Hospitaal in Pretoria. Luister Woensdag om 11:30 na Gesondheid op RSG.
HET JY GEWEET?
Die limfbuisies is minder as ‘n halwe millimeter in deursnee, die limfknopies minder as ‘n centimeter in deursnee en die aartjies waarin die limfknopies geheg word so klein dat die plasties- en rekonstruktiewe chirurg onder ‘n mikroskoop moet opereer.
JY MOET NA MY / HIERDIE PROGRAM LUISTER WANT…
Die inligting kan pasiënte met Alzheimer-siekte en ander vorms van demensie waar foutiewe proteïene in die brein ophoop, help.
Meer inligting
Hierdie drie sketse verduidelik waar die limfkliere in die nek-gebied geleë is en hoe die limfdreinering in die brein die foutiewe proteïene opruim in ‘n gesonde mens en wat verkeerd loop in mense met Alzheimer siekte en ander proteïenverwante demensie siektes soos Fronto-temporale demensie, Lewy liggaam demensie en Parkinson-siekte met neerlegging van Tau proteïne.
Lees meer oor:
Wat is limfnodes en hoe werk die limfstelsel?:
|https://www.webmd.com/a-to-z-guides/what-are-lymph-nodes
https://www.medicinenet.com/how_does_the_lymphatic_system_work/article.htm
https://my.clevelandclinic.org/health/body/21199-lymphatic-system
Limf-edeem wat volg met kanker en ná kankerbehandeling:
https://www.cancer.gov/about-cancer/treatment/side-effects/lymphedema
Die prys vir Jong Skrywer (jonger as 30 jaar) van die 2025 RSG Radiodramaskryfkompetisie in samewerking met die ATKV is JJ Roberts met Bloed van my, wat op Donderdag 30 April uitsaai.
Broederlike liefde bots met ‘n noodlottige verlies en Simeon en Meyer moet hulle pad deur dié uitdaging vind. Dis ‘n storie met ‘n diep persoonlike oortuiging. Die skrywer het deur ‘n soortgelyke ervaring gegaan.
Casper Lourens, Wiandré du Plessis, Claudia Jones, Rico Immelman en Blyde Schoeman is die spelers onder spelleiding van Eddie de Jager.
Luister na Bloed van my, deur JJ Roberts, Donderdagaand 30 April in Radioteater om 8 uur op RSG of rsg.co.za en beskikbaar as potgooi en op Spotify na afloop van die uitsending.
Die storie
Meyer is Simeon se ouer broer. 18 Maande tevore is hul ouers in ’n motorongeluk dood en Meyer moes sy studies staak en as Simeon se voog optree terwyl hy sy laaste twee jaar op skool voltooi.
Simeon worstel met ’n skuldgevoel omdat hy ná ’n partytjie gearresteer is en sy ouers hom by die polisiestasie moes gaan haal, maar onderweg daarheen het hulle verongeluk. Dit lei tot allerlei probleme tussen die twee broers, totdat hulle openlik oor hulle ouers se dood praat en hulle verhouding herstel word.
Oor die skrywer – JJ Roberts
Roberts is gebore en getoë in Upington. Hy voltooi ‘n graad in onderwys by die NWU Potchefstroom en verhuis na Pretoria in 2021. Daar voltooi hy ‘n kursus in drama en word ‘n voltydse vryskut kunstenaar in die vermaaklikheidsbedryf.
JJ was al te sien in verskeie musiekblyspele en te hore in radiodramas, vervolgverhale asook die vervaardiger en aanbieder van Kortom op RSG. As skrywer het ‘n paar teaterstukke en kortverhale al uit sy pen gevloei.
“Ietsie interessant van my is ek is tans besig om ‘n persoonlike argief op te bou van teaterstukke, veral Afrikaanse teaterstukke. Ek vind hulle is uniek en die moeite werd om te bewaar. Ek bou ook ‘n persoonlike argief op bestaande uit potgooie van beide Afrikaanse en Engelse radiodrama ’s. Dit is vir my ‘n besonderse interessante medium wat grensverskuiwend is met klank en die verbeeldingswêreld wat saam met dit kom,” vertel JJ.
Nota van die regisseur
Eddie de Jager het die drama opgeneem en het so getrou as moontlik die teks benader, veral met die gebruik van musiek en byklanke wat die leefwêreld en emosies van die storie vasvat.
“Die drama volg ‘n duidelik struktuur wat die reis van elke karakter tot ‘n gevolgtrekking bring wat die luisteraar in staat sal stel om self afleidings te maak. Die universele temas soos verlies, volwassenheid en liefde laat jou met genoeg stof tot nadenke verweef in ‘n vermaaklike en opvoedkundige storie om dit ‘n wenteks te maak.”
Die spelers
Casper Lourens, Wiandré du Plessis, Claudia Jones, Rico Immelman en Blyde Schoeman is die spelers onder spelleiding van Eddie de Jager.
Daar is lewende organismes diep in die oseaan, wat onder sulke ekstreme druk leef dat hulle selle fisies anders gebou is. Ons hoor hoe lewe kan aanpas by toestande waar ’n mens binne sekondes sou sterf, en wat dit vir ons begrip van lewe self beteken.
Lig kan miljarde jare lank deur die ruimte reis sonder om “moeg” te raak, omdat dit nie energie verloor soos gewone bewegende voorwerpe nie. Wat sê dit vir ons oor die aard van die heelal.
Lees meer oor die diepste dele van die oseane: https://www.nautilusshipping.com/news-and-insights/deepest-parts-of-the-ocean
Ons vind meer uit van die navorsing wat tot dusver gedoen is alkoholvrye wyn. Soos die internasionale vraag daarna verhoog, is Suid-Afrikaanse landboutegnici op die voorpunt van nuwe produkontwikkeling.
‘n Kunsmatige intelligense-toepassing is ook onlangs bekendgestel om reuk- en smaakbeskrywings soos ‘perske’ of ‘vanielje’ netjies te koppel aan natuurlike plaaslike terme is ses van ons amptelike tale.
‘n Dosent in wingerd- en wynkunde aan die Universiteit Stellenbosch, dr. Jeanne Brand, verduidelik.
Jy dink jy is net “besig”, maar jou brein is dalk oorlaai en afhanklik van konstante stimulasie. Skerms verander nie net hoe jy dink nie, dit verander waaraan jy gewoond raak. Het jy nog die vermoë om stil te wees, of het jou brein dit verloor?
Baie van jou keuses in liefde, werk en konflik is eintlik ou patrone uit jou kinderjare wat hulleself herhaal. Ons ontmasker die idee van “ek is net so”, en vra: Hoeveel van jou lewe is werklik ’n keuse, en hoeveel is ’n herhaling?
Die omstrede BELA-wette is die eerste keer in die hof getoets in ‘n dringende aansoek in die hooggeregshof in Mahikeng, Noordwes. Die Noordwes Onderwysdepartement is deur die Swartruggens Gekombineerde Skool hof toe gevat oor ‘n hele aantal kinders wat sonder meer in die skool geplaas is. Ons praat hieroor met die bestuurshoof van die skolebeheerliggaam-organisasie, Fedsas, dr. Jaco Deacon.
Jy kan nou op jou selfoon na RSG via ons splinternuwe app luister.
Laai net die app af:
Apple selfone:
IOS: https://apps.apple.com/us/app/rsg/id6480790523
Android selfone
Google Play Store: https://play.google.com/store/apps/details?id=za.co.rsg.app&hl=en_ZA
Suid-Afrikaners drink jaarliks 3,5 miljard koppies rooibostee.
Dié inheemse tee het onlangs ‘n verskyning gemaak in ‘n bekende reeks op Apple TV+.
‘n Geleentheid vir vroue in die landbou-waardeketting vind eersdaags in die Suid-Kaap plaas. Die Sy Wat Bly-samekoms word georganiseer deur twee vroue landbou-entrepreneurs.
Alhoewel dobbel onwettig vir minderjariges is, sien ons dat al hoe meer tieners daarmee in aanraking kom, selfs met die speel van speletjies wat onskuldig lyk. Hoe begin dit, en wanneer raak dit ’n probleem? Om ons te help om hierdie komplekse onderwerp beter te verstaan, gesels Hazel Janse van Rensburg met sielkundige Nadia Liebenberg.
