Mattel, die vervaardigers van Barbie-poppe, het in April hulle eerste pop met Downsindroom uitgereik . Mattel sê dis hulle doel dat alle kinders ‘n verteenwoordiging van hulleself in poppe moet sien. Die maatskappy het met mediese kenners en die Britse Downsindroomvereniging gekonsulteer om seker te maak dat die Barbie verteenwoordigend van vroue met die sindroom is. Die pop dra ook ‘n hangertjie met drie strepe om die drie kopieë van die 21e chromosoom voor te stel.