Die Silfra-skeur is ‘n gaping tussen die Noord-Amerikaanse en Eurasiese tektoniese plate. Dit is in ‘n meer in Ysland, en is die enigste plek in die wêreld waar jy tussen twee vastelande kan duik. Hierdie asemrowende plek is een van die top vyf duikplekke in die wêreld, volgens die Professional Association of Diving Instructors(PADI). Die skeur verdiep teen ‘n tempo van twee sentimeter per jaar.