Genoeg vir 4 mense
600 g ontbeende varknek
1 eetlepel botter
1 eetlepel olie
6 piekeluitjies, skoongemaak en gehalveer
Vryfmengsel
10 ml vinkelsade, gerooster in warm pan en rofweg fyngemaak
10 ml rissievlokkies
10 ml droë tiemie
5 ml witpeper
10 ml sout of na smaak
Sous
2 eetlepels Dijonmosterd
250 ml room
3 vet knoffelhuisies, fyngemaak
200 ml bier
2 eetlepels heuning
sout en witpeper na smaak
Meng die vryfmengsel se bestanddele, en vryf vleis daarmee in totdat dit oral goed bedek is.
Plaas die olie en botter in ‘n warm pot.
Sodra die botter begin smelt en borrels vorm, verbruin die vleis oraloor.
Verlaag die hitte.
Plaas die deksel op en rooster/braai tot die vleis gaar is.
Indien die vloeistof min raak, voeg ʼn bietjie bier by.
Haal die vleis uit die pot, en behou enige sous wat agterbly.
In ʼn aparte pan, braai die uitjies tot bruin en sag, en hou eenkant.
Geur met sout en peper.
Sous
Gebruik dieselfde pot waarin die vleis gebraai is.
Voeg al die bestanddele van die sous in die pot, behalwe die room.
Kook totdat die sous met die helfte verminder het, en voeg dan die room by.
Kook verder vir sowat 5 minute op stadige hitte.
Bedieningsvoorstel
Sny die vleis in skywe, en voeg die sous mildelik by.
Bedien met uitjies, kapokaartappel en enige ander groente van jou keuse.
Jy kan ook die uitjies deel maak van die sous, deur agterna by sous te voeg.
* Verpligte velde
Aanbieders
E-nuusbrief
E-nuusbrief
Teken in op die RGS E-nuusbrief
E-nuusbrief
Teken in op die RGS E-nuusbrief
Bel Ons
(011) 714 2702
Navrae
info@rsg.co.za