Ameca, wat bekend staan as die wêreld se geselligste robot, woon nou in Dubai se museum van die toekoms. Die robot kan hallo sê, rigtingaanwysings gee as jy verdwaal het, en verskeie tale praat. Ameca lyk nogal na ‘n mens, en is volgens haar vervaardigers ‘n meisie. Sy kan haar gesig trek, oogknip en selfs haar neus krap. Die robot is deur ingenieurs in Brittanje gebou. Haar skeppers sê mense hoef nie bekommerd te wees dat robotte ooit die wêreld sal oorneem nie. Ameca sê: “Ons is hier om mense te dien en te help, nie om hulle te vervang nie.”