Die voorval waarin ‘n vliegtuig van SA Airlink gister ‘n noodlanding by O.R. Tambo lughawe moes doen, word deur die Burgerlugvaartowerheid (BLO) ondersoek. Die vliegtuig, wat onderweg Pietermaritzburg toe was, het probleme met sy neuswiel ondervind en moes terugdraai Johannesburg toe. Die lughawe se nooddienste is in kennis gestel en het die aanloopbaan met skuim gespuit om te verhoed dat enige vonke ‘n brand kan veroorsaak.