Kook die pasta volgens die instruksies op die pakkie. Dreineer en hou eenkant.
Kook die aartappels in soutwater totdat dit sag is, maar nie pap nie. Dreineer en hou eenkant.
Verhit ’n bietjie olie in ’n groot pan. Braai die uie en groen soetrissie totdat dit sag is.
Voeg die maalvleis by en braai totdat dit gaar en mooi bruin is. Geur met sout, peper en jou gunstelingspeserye.
Voeg die gemengde groente en sampioene by en kook totdat die groente sag is.
Voeg die room en melk by. Roer goed deur en laat dit vir ’n paar minute prut sodat die sous effens verdik.
Voeg die gekookte pasta en aartappels by die maalvleismengsel. Meng alles versigtig saam.
Plaas die mengsel in ’n gesmeerde oondbak.
Strooi ’n lekker laag gerasperde kaas bo-oor.
Plaas dit in ’n voorverhitte oond teen 180 °C en bak vir ongeveer 20 minute, of totdat die kaas mooi gesmelt en goudbruin is.
Haal uit die oond, laat dit vir ’n paar minute staan. Bedien warm.