Kook die rys: Spoel die rys goed af. Plaas dit in ’n kastrol met 2 koppies water en 1 teelepel sout. Bring tot kookpunt. Verlaag die hitte, sit die deksel op en laat prut vir 15 tot 20 minute totdat die rys sag en gaar is. Haal van die hitte af en hou die deksel op om die rys warm te hou.
Berei die skorsies voor: Kook of stoom die skorsies tot dit sag is. Jy kan die gaar skorsievleis uitskep, of dit sommer direk uit die skil eet. Elke persoon kry ’n halwe skorsie.
Braai die varkrepies: Verhit die olie in ’n groot kastrol of pan. Braai die varkrepies tot dit ligbruin en deurgaar is. Die vet wat uit die varkrepies braai, gee heerlike geur aan die gereg en kan ook gebruik word om ’n lekker sousie te maak.
Berei die spinasie voor: Braai die spinasie in die geurige vet wat van die varkrepies in die pan agtergebly het, of gebruik ’n bietjie olie, sout en peper om die spinasie apart te braai totdat die blare sag en verlep is.
Maak ’n sous (opsioneel): As jy nie die oorblywende pansappe gebruik het om die spinasie te braai nie, kan jy dit as ’n sousie oor die rys skep. Indien jy meer sous wil maak, voeg ’n bietjie water by en laat dit goed deurkook.
Skep op en geniet: Skep ’n porsie rys op elke bord. Voeg ’n halwe skorsie en ’n porsie spinasie by. Rond die ete af met een of meer varkrepies per persoon. As jy ’n sous gemaak het, skep dit oor die rys vir ekstra geur.

Koste van die ete: Alle pryse is op Shoprite se pryse gegrond. Totale koste: R69,28. Koste per porsie: R17,32.