Verhit die olie in ’n pot.
Geur die beesskenkel met sout en peper, en braai aan albei kante tot goudbruin.
Skep dit uit en hou eenkant.
Voeg die gekapte uie by dieselfde pot en braai tot sag en ligbruin.
Voeg die knoffel en tamatiepuree by, en roer vir nog 1 minuut.
Voeg die Worcestersous, blatjang, beesekstrak-blokkies, water, lourierblare, paprika, tiemie en gemengde kruie by.
Roer goed. skraap die lekker bruin stukkies van die bodem los.
Plaas die beesskenkel terug in die pot.
Plaas die deksel op en laat dit oor lae hitte vir ongeveer 2½ uur stadig kook totdat die vleis amper sag is.
Voeg nog water by indien nodig.
Voeg die aartappels en wortels by.
Laat vir nog ongeveer 40 minute prut totdat die groente én vleis sag is.