Staatsverval met BKS kom al 25 jr aan

Die verval in die staat wat bek-en-klouseer betref, kom al langer as twee dekades aan.

Die eerste tekens van verval en swak beplanning kan teruggespeur word na die vroeë 2000’s. Bek-en-klouseer is ‘n staatsbeheerde siekte, en die onlangse uitbreking is volgens kenners die ergste in die land se landbougeskiedenis.

Professor Johann Kirsten het ‘n omvattende ontleding op News24 die volgehoue stuksgewyse verval van die regering se bek-en-klouseer-infrastruktuur blootgelê. Hy is van die Universiteit Stellenbosch se Buro vir Ekonomiese Ondersoek.

https://omny.fm/shows/op-en-wakker/staatsverval-met-bks-kom-al-25-jaar

SA animasie, Stripes, wen internasionale pryse

Die Suid-Afrikaanse kortfilm, Stripes, het pas ’n silwertoekenning vir animasie by die Film Olympiad in Griekeland én ’n gouetoekenning vir sy klankbaan by die Pulse of Animation-fees in Bulgarye ingepalm.

Dié kortfliek vertel die inspirerende storie van ’n speelse tierwelpie genaamd Stripes, wat haar plek in die wêreld probeer vind, en dan leer om haar eie kleure en uniekheid te omhels.

Ons praat met Cara Rust, Stripes se vervaardiger.

 

SA’ners moedeloos oor RNE

Ipsos se jongste opname wys dat agt uit tien Suid-Afrikaners glo die land is op die verkeerde pad. Ná ’n kort golf van optimisme toe die regering van nasionale eenheid tot stand gekom het, is mense nou weer oorwegend moedeloos en vol twyfel.

Tog wys die data dat daar ook hoop is, veral wanneer dit by samewerking op plaaslike vlak kom.

Ons praat hieroor met Mari Harris, ’n direkteur by Ipsos-Markinor.

https://omny.fm/shows/op-en-wakker/sa-ners-moedeloos-oor-regering-van-nasionale-eenheid

Korrupsie: Wie beskerm die fluitjieblasers?

Die moord op die prokureur en fluitjieblaser, Bouwer van Niekerk, in Sandton het die land oor die naweek geskud. Intussen is adv. Norman Arendse deur ’n parlementêre ad hoc-komitee as bewysleier aangestel om die ingewikkelde waters van polisiekorrupsie te navigeer.

Maar in ’n land waar selfs die fluitjieblasers in Sandton nie meer veilig is nie, vra al hoe meer mense: wie is volgende?

Ons praat hieroor met George Nell, ’n senior sakereddingspraktisyn by Corporate Business Rescue, en Pieter du Toit, assistentredakteur vir ondersoekende joernalistiek by News24.

 

Nuwe wet kan jou huwelikskontrak verander

Suid-Afrika se egskeidingswette staan op die rand van ’n groot verandering. ’n Nuwe wetsontwerp wil howe die mag gee om bates te verdeel – selfs in huwelike buite gemeenskap van goedere sonder aanwas. Dis ’n poging om gades te beskerm wat nie self ’n inkomste verdien het nie, maar steeds tot die huwelik bygedra het.

Bertus Preller, ’n gesinsregprokureur, help ons verstaan wat dié veranderinge beteken, en wat dit vir jou huwelikskontrak kan beteken.

Nuwe wet kan jou huwelikskontrak verander

Netanyahu se Gasa-plan wek kommer

Israel se eerste minister, Benjamin Netanyahu, se plan om Gasa-stad ná byna 20 jaar weer te beset en onder Israel se militêre beheer te plaas maak groot opslae. Volgens Netanyahu is dit die beste manier om van Hamas ontslae te raak, en sal Israel mettertyd die beheer oor die stad aan Arabiese militêre magte oordra.

Hierdie plan van Netanyahu het groot ontevredenheid in die wêreld, maar ook onder Israelse burgers veroorsaak. Verskeie van Israel se bondgenote, soos Brittanje, Duitsland en Frankryk, het skerp kritiek teen die plan uitgespreek, terwyl Israeli’s die strate ingevaar het.

Ons praat hieroor met professor Anthoni van Nieuwkerk van die Thabo Mbeki-skool by Unisa.

Millenniërs herdefinieer nou wêreldwyd die werkplek

Millenniërs, of mense wat tussen 1981 en 1996 gebore is, beklee nou wêreldwyd die meerderheid van bestuurs- en leierskapsrolle. Navorsers sê dié generasie, wat met tegnologie grootgeword het, bring ’n nuwe etiek na die werkplek – een wat klem lê op empatie, balans en buigsaamheid. Dié benadering bring uitdagings, soos emosionele uitbranding en vae gesagstrukture.

Dr. Johan Beukes, ’n leierskap- en spanspesialis asook die stigter van Authentic & Leading Institute, praat met ons oor hoe millenniërs die wêreld van werk herdefinieer, en wat dit vir die geslagte rondom hulle beteken.

Luister na die gesprek.

Lynthia Julius gesels land en sand

Kleintyd al, in Vygiestraat op Springbok in die Namakwaland, het Lynthia Julius geleer om te luister wanner haar ouma aspatat gebak en stories vertel het.

Deesdae is sy een van Afrikaans se jong en mees bekroonde digters. Haar diep menslike rubrieke in Rapport vind ook groot byval.

Lynthia is nie op haar mond geval nie, en sy het land en sand met Pieter Steyn gesels in haar kantoor in Kimberley, by die Sol Plaatje-universiteit, waar sy kratiewe skryfkuns doseer.

Sy gesels onder meer oor vloek, Bruinmense wat rassisties is teenoor Swartmense, en Witmense wat rassisties is oor Bruinmense.
Luister hier na die hele gesprek. 

WAARSKUWING: Sterk taalgebruik kan sensitiewe mense ontstel.

‘Mashatile eintlik al president’

In ‘n onlangse artikel op die aanlynpublikasie, BinneLand, skryf die politieke ontleder van die Noordwes Universiteit, professor Piet Croucamp, dat president Cyril Ramaphosa geabdikeer het en adjunkpresident Paul Mashatile vir alle praktiese doeleindes die land en die ANC se president is.

Piet skryf, terwyl Ramaphosa hom besig hou met vroompraatjies oor die Nasionale Dialoog, het hy Suid-Afrika verkoop vir ‘n pot lensiesop.

‘Mashatile eintlik al president’

Is die weer meer ekstreem?

Terwyl die grootste dele van Suid-Afrika bibber, het Wes- en Suid-Europa ekstreme hittegolwe trotseer. In Texas in Amerika het vloede tientalle lewens gekos, en reuse brande in Kalifornië het verwoesting gesaai.

Is hierdie weersomstandighede en natuurrampe buitengewoon, of nie? Moet ons maar daaraan gewoond raak? Ons praat hieroor met professor Francois Engelbrecht, direkteur van die Global Change-instituut by Wits.

Is die weer meer ekstreem?