‘Polisie en misdadigers is een en dieselfde’

Die onlangse mediakonferensie deur die KwaZulu-Natalse polisiekommissaris, luitenant-generaal Nhlanhla Mkhwanazi, waar hy ernstige aantygings oor politieke inmenging deur die minister van polisie, Senzo Mchunu, gemaak het, laat al die hele week politieke bomme bars.

In ‘n onlangse artikel op die aanlynpublikasie, BinneLand, skryf professor Piet Croucamp van die Noordwes-Universiteit se Sakeskool, dit is moeilik om tussen misdadiger en handhawers van die wet te onderskei in Suid-Afrika. Piet is ‘n kenner op georganiseerde misdaad.

Is daar ‘n verskil tussen polisie en misdadigers in SA?

Motorbedryf kreun onder tekort aan motorwerktuigkundiges

Suid-Afrika sit met ’n kritieke tekort aan motorwerktuigkundiges – ’n probleem wat nie net die motorherstelbedryf knou nie, maar ook die land se jongmense van broodnodige werk ontneem.

In Gauteng alleen is daar meer as 100 vakatures in staatswerkswinkels, en van die polisievangwaens staan tot ’n jaar lank weens ’n gebrek aan gekwalifiseerde personeel.

Maar dit strek veel verder as die staat. Oor die hele land sukkel werkswinkels om poste gevul te kry, terwyl duisende jongmense werk soek.

Ons praat hieroor met Pieter Niemand, die nasionale direkteur van die Werkswinkelvereniging van die Motorbedryf.
https://omny.fm/shows/op-en-wakker/ambagslui-gesoek-motorbedryf-kreun-onder-tekort

Wat jy moet weet van Kleuterzone beleggings

Volgens Anthonie Bougas, eienaar van die Kleuterzone-groep, het hy die afgelope paar jaar meer as R500 miljoen van beleggers ontvang wat in sy maatskappy belê het. Op die beleggings het hy astronomiese opbrengste van tussen 62,4% en 72,4% belowe. Moneyweb het egter snuf in die neus gekry, en in Februarie oor Kleuterzone en hulle beweerde bedenklike sake begin berig. Ons praat hieroor met Moneyweb se redakteur en aanbieder van RSG Geldsake, Ryk van Niekerk.

Luister ook:

Kleuterzone: Sommige beleggers kry nie hulle geld nie – 11 Maart 2025

Liesl Peyper, senior joernalis by Moneyweb, en Gys Grieshaber van Grieshaber Prokureurs, gesels oor Kleuterzone.
Volg RSG Geldsake op Twitter



Kleuterzone se Bougas reageer op kommer oor sakemodel – 18 Februarie 2025

Anthonie Bougas – stigter van KleuterZone en Dawie Klopper – welvaartbestuurder en beleggingsekonoom, PSG Wealth.

Volg RSG Geldsake op Twitter


Val KleuterZone in die “te goed om waar te wees”-kategorie? – 17 Februarie 2025

Liesl Peyper – senior joernalis, Moneyweb.
Volg RSG Geldsake op Twitter

Wat beteken jou produktiwiteit?

Volgens Gallup se STATE OF THE GLOBAL WORKPLACE 2023 is slegs 23% van werknemers wêreldwyd werklik besig by die werk. Dit laat ‘n allemintige 77% van werknemers wat nie hulle kant bring nie. Die amptelike term daarvoor is Quiet Quitting. Wat behels dit, en watter invloed het dit op die werksmag en ekonomie. Ons praat hieroor met Anja van Beek, ’n talent- en kultuurstrateeg, asook leierskap- en menslike hulpbronkenner.

Beagle Watch se handel en wandel met verlore diere

Vakansietye is gewoonlik tyd vir rustig raak en afskaal, maar vir Beagle Watch is dit van die besigste tye, veral as dit by troeteldiere kom. Wat maak jy met jou diere as jy die pad vat om iewers te gaan ontspan? Is hulle veilig en versorg? Jy sal verbaas wees hoeveel troeteldiere eindig op in die straat, totaal verlore en verskrik. Desember was rof, en Paasfees is om die draai. Ons praat oor die versorging van hierdie verlore diere met Andre Aiton, besturende direkteur van Beagle Watch se gewapende reaksie, asook Sonja Kruger, een van die noodroepbeamptes in beheer van die honde-eenheid.

Politieke gevolge van die uitgestelde begrotingsrede

Die DA en ander vennote in die Regering van Nasionale Eenheid mag dalk in die verlede agteroor gebuig het om die ANC en sy beleid in die RNE te akkommodeer, maar ‘n belastingverhoging was oënskynlik die laaste strooi. Die Minister van Finansies kon vir die eerste keer in meer as 30 jaar nie gister die begrotingsrede lewer nie. Terwyl opposisiepartye buite die RNE die regering van swak leierskap beskuldig het, meen partye soos die DA en VF Plus, die ANC het nou geleer hulle regeer nie meer alleen met ‘n volstrekte meerderheid nie. Ons praat hieroor met die voormalige leier van die DA, Tony Leon.

Emigreer? Dink hieraan!

Die son skyn te min, en sy vrou snik snags in haar kussing, skryf Zirk van den Berg in sy onlangse memoir, LANDUIT, WANT JY WIL MOS, oor sy en sy gesin wat in 1998 Nieu-Seeland toe uitgewyk het. Met die Amerikaanse president Donald Trump se uitvoerende bevel, word landuit trek weer druk bespreek. Maar om te emigreer kan emosioneel verwoestend wees. Ons praat hieroor met dr. Sulette Ferreira, ‘n sielkundige wat spesialiseer in migrasie-terapie.

Land en Sand met regse Joel Pollak – dalk volgende VSA ambassadeur in SA

Joel Pollak is ‘n Suid-Afrikaans gebore Amerikaner, wat volgens berigte een van die Amerikaanse president, Donald Trump, se gunstelinge is om die VSA se ambassadeur in Suid-Afrika te word. Pollak is getroud met die anti-apartheidsaktivis, Rhoda Kadalie, se dogter, Julia, wat hy ontmoet het terwyl hy die toespraakskrywer van Tony Leon, destydse DA-leier was. Pollak laat hom gereeld uit oor Suid-Afrikaanse kwessies, en skryf gereeld vir die regse Breitbart News Network. Hy word beskou as een van die mense wat ‘n invloed op Trump se siening oor Suid-Afrika het. Pieter Steyn het land en sand met hom gesels.