Die NG Kerk Langebaan het die oudste preekstoel in Suid Afrika. Dis vanjaar 300 jaar oud. Dit is 1721 deur Adam Albertyn gebou, en was vir 130 jaar in gebruik op Stellenbosch. Dit is toe vandaar met ‘n ossewa vervoer na Hopefield, en in 1872 na Langebaan waar dit vandag in die 149 jaar oue klein kerkie nog in gebruik is. Die preekstoel, die kerkie en die ringmuur is verklaar as nasionale gedenkwaardighede. Gaan kyk na die kleinkerkie se blog met intressante inskrywings oor die geskiedenis by www.diekleinkerkie.blogspot.com