Tom Cooke is op ‘n missie om die hoeveelheid plastiek wat in die oseane beland te verminder, en het ‘n skoen ontwerp wat bestaan uit materiaal wat in die grond ontbind. Baie skoene en sandale bestaan deels uit plastiek, en kan honderde jare neem om te vergaan nadat dit weggegooi is. Tom se maatskappy, Blueview, het ‘n skoen gebou wat uit plantmateriaal bestaan, en binne ‘n jaar kan ontbind. “Ek is ‘n branderplankryer en het al gesien hoe lyk die see van al die plastiekbesoedeling,” het Tom gesê.