Met raad en daad
In die laaste episode in die verkiesingsreeks, praat Elsje van Jaarsveld met Jacques Jansen van die OVK oor die aantal stembriewe wat kiesers vanjaar sal ontvang, en wat elkeen behels. Vanjaar se verkiesing verskil van vorige jare s’n, en kiesers sal ‘n ekstra stembrief ontvang.  Hulle veruidelik hoe die stemproses werk, en wat jy kan doen om te verhoed dat jou stembrief ‘n bedorwe stembrief is.

Johan van Lill praat met Wilna van Rooyen, ‘n onderwyskundige, oor hoe om kinders leesgereed te kry, en watter vaardighede nodig is vir aanvanglees.

Susan Booyens praat met dr. Liesl Joubert, ‘n dosent in kerkgeskiedenis van die Fakulteit Teologie aan die Universiteit Stellenbosch, oor die ontstaansgeskiedenis en kenmerke van die Katolieke Kerk.

Ons verrassingsgas het eers ‘n kursus in kinder en jeugsorg gedoen, toe teologie studeer, en uiteindelik ’n meestergraad in hoër onderwys verwerf.  Hy is ’n ensiklopedie van die geskiedenis van die enigste stad ooit wat twee internasionale sterrewagte gehuisves het, waarvan een in ’n wildreservaat. Ons praat ook met dr. Stefan Lotz van SANSA oor die rare skouspel wat verlede naweek in die hemelruim afgespeel het, naamlik die Aurora Australis, of te wel die Suiderligte.

Luister na musiek uit Die Towerfluit en Die Huwelik van Figaro van Mozart, Don Carlos en Otello van Verdi, I Puritani van Bellini, Hansie en Grietjie van Humperdinck en L’Assedio Di Corinto van Rossini. Van die sangers is Maria Callas, Beverly Sills, Placido Domingo, Luciano Pavarotti, Andrea Bocelli, Cesare Siepi, Piero Capucilli en die Tygerberg Kinderkoor.

Die LlimaLethu-bemagtigingsprojek is op boere in die Oos-Kaap en KwaZulu-Natal gemik. Mihan Louw van African Seeds Group verduidelik hoe hulle en ander instansies 20 boere as deel van fase een van die projek bemagtig. Ons praat oor grondgesondheid met Kenny Beeton van Nutrico. Daar is verskeie faktore en praktyke in landbou wat goeie grondgesondheid kan verseker, en een hiervan is die gebruik van seewier.

AS DIE HADIDA ROEP deur Charles J. Fourie
Regie: Denver Vraagom
EPISODE 54: Wilma is bekommerd oor Ester wat so geheg aan die pratende robtiese babapop raak, en vra Jolene om die pop te kom haal. Manie vra Ryno om hom te help om die sportsakke met die geld en juwele uit dominee se Anglo-Boere-oorlog kelder te verwyder. ‘n Vyfde sterker aardbewing tref die dorp.

Hiëna se gelag.