Op ‘n plaas net buite Kaapstad word daar gretig met groente geboer. Byron Booysen sê dis vir hom veel belangriker om veilige, gesonde kos aan sy gemeenskap te lewer as om grootskaalse kontrakte los te slaan. Vasberadenheid is by hom ‘n wortelwoord. Dis ook heerlik om ‘n landbou-liefdesverhaal te deel. Dit was juis Byron se rissie-aanplanting wat destyds rooiwarm romanse aangevuur het. Ons kuier by ‘n jong man met ‘n hart vir sy naastes en ‘n oog op die toekoms, wat medemenslikheid sy mantra gemaak het.

Die speelgoed van die speelgoedkis besluit om ‘n toespraak te skryf. Maar eers moet hulle leer hoe om ‘n toespraak te skryf. Gelukkig is Kobus die Kameelperd en juffrou Veertjie Volstruis daar om hulle daarmee te help.

Dr. Daniel de Wet praat oor die netwerke van samewerking in lande soos Mosambiek, Malawi en Zimbabwe. Die stigter van Ma’s vir Wellington, Stephanie Henderson, vertel van hulle winterprojek. Dr. Martin Barnard vertel van die NG Kerk Vishoek se 30 jaar van genade. Bettina Wyngaard praat oor die 2024 Andrew Murray-Desmund Tutu-prysfonds.

Die Suid-Afrikaanse Akademie vir Wetenskap en Kuns het onlangs bekend gemaak aan wie sy gesogte pryse vanjaar toegeken word. Prof. Eleanor Cornelius, professor in Toegepaste Linguistiek is die ontvanger van die CL Engelbrech-prys vir Taalkunde vir haar boek, Gewone Taal – ‘n oorsig.  Sy vertel vir Ina Strydom wat “gewone taal” is en hoekom dit belangrik is.

Hoekom verskil die spookvoël se roep so baie van ander voëls? Hoe word reënboë sonder kleur verklaar? Hoe is dit moontlik dat ystervarke amper alles vreet?

Van der Spuy Brink het oornag die gehoor in sy een oor verloor, en geleidelik daarna ook in sy ander oor. Hy vertel van die ervaring, en dat sy gehoorverlies en doofheid deur jarelange blootstellig aan geraas gevolg het. Hy het kogliêre inplantings, en vertel van die uitdagings daarvan en hoe sy kommunikasievermoë binne gesinsverband geraak word. Rodney en Maria Lackay was tien jaar gelede in ‘n ongeluk, en die paartjie is beide sedertdien in ‘n rolstoel. Hulle vertel van hulle reis van genesing, en hulle lewenstaak om ander positief te beïnvloed. Die twee leef voluit, en bedryf hulle eie gastehuis.

Arbeidskenner Chris Marias praat oor afleggings en werkgewers wat verskillende opsies oorweeg om by ‘n veranderende omgewing aan te pas. Personeelvermindering (aflegging) is die afdanking van ‘n werknemer op grond van die werkgewer se operasionele vereistes.

Johan van Lill praat met dr. Juane van der Merwe oor die grondwet en opvoedkunde: Wat is ons grondwetlike regte op verskillende vlakke van opvoedkunde en onderwys?

Susan Booyens praat met prof. Sakkie Cornelius van die Departement Antieke Studie aan die Universiteit Stellenbosch oor die fassinerende geskiedenis van ou Mesopotamië.

Ons sit ons reeks voort van klanke uit die Sterre en Planete-argief, maar dié keer met ’n effense kinkel. Na Lafras Smit ons op hoogte bring van wat ons in die naghemel kan sien, en waar om te soek vir komeet Pons-Brooks, bespreek ons hoekom dit so lank neem voor mense weer die maan sal kan besoek.

Luister na musiek uit Don Pasquale en L’elisir d’amore van Donizetti, Don Giovanni, Die Huwelik van Figaro en Die Towerfluit van Mozart, Simon Boccanegra van Verdi en die onbekende opera Loreley van Catalani. Van die sangers is Dmitri Hvorostovsky, Anna Moffo, Beverley Sills, Kiri Te Kanawa, Fritz Wunderlich, Lucia Popp en Ghena Dimitrova.